Мадриднинг «Реал» клуби устози Альваро Арбелоа Испания чемпионати 26-тури доирасида «Хетафе»га қарши кечган муваффақиятсиз ўйиндан сўнг ўз фикрларини билдирди. Ушбу баҳсда «қироллик клуби» 0:1 ҳисобида кичик мағлубиятга учради.

«Натижа учун масъулият бош мураббийнинг зиммасида. Мен танқидларга тайёрман. Шогирдларимни айбламоқчи эмасман, улар вазиятни ўнглашга ҳаракат қилишди. Менимча, биз камида битта голга лойиқ эдик», — дея мутахассиснинг сўзларидан иқтибос келтиради «Marca» газетаси.

Ушбу мағлубиятдан сўнг Мадрид суперклуби пешқадам «Барселона»дан тўрт очкога ортда қолмоқда. Ла Лиганинг навбатдаги турида «қаймоқранглилар» сафарда «Сельта» билан куч синашадилар. Учрашув 6 март куни бўлиб ўтади.