«Барселона» президентлигига сайловларда номзодларни қўллаб-қувватлаш учун тўпланган имзолар сони маълум бўлди. Расмий рўйхатдан ўтиш учун белгиланган чегара 2237 та имзони ташкил этади.

Энг кўп имзони клубнинг собиқ раҳбари Жоан Лапорта тақдим этди — 8171 та. 2021 йилдаги аввалги сайловларда у 10272 та имзо тўплашга муваффақ бўлган эди.

«Кўк-анорранглилар» собиқ мураббийи Хави томонидан қўллаб-қувватланган Виктор Фонт 5144 та имзо тўплади. Уни шунингдек 9 та имзо йиққан Уильям Мэддок ҳам қўллаб-қувватлади.

«Барса» тарбияланувчиси Марк Сирия ўзини қўллаб-қувватловчи 2840 та имзони тақдим этди.

«Барселона» директорлар кенгашининг собиқ аъзоси Хави Вилажоана эса 1621 та имзо тўплашга муваффақ бўлди. Шу тариқа, у расман рўйхатга олинган номзод бўла олмайди.

Яна бир номзод Даниэль Хуан бор-йўғи 84 та имзо тақдим этди.