Мадриднинг "Реал" клуби ҳимоячиси Дин Хёйсен жорий мавсумдаги самарадорликнинг пасайиши ва беқарор ўйини сабабли Испания терма жамоасининг ЖЧ-2026 учун таркибидан жой ололмаслиги мумкин, деб хабар беради Fichajes.
Испания терма жамоаси аъзоси Англиянинг "Борнмут" клубидан 60 миллион евродан кўпроқ маблағ эвазига сотиб олинган эди ва у жамоа мудофаа чизиғини янгилаш учун асосий фигуралардан бири сифатида кўрилганди.
Ўтган мавсумда АПЛда Хейсен тўпни олиб қўйишдаги ишончли ҳаракатлари, ҳужумни бошлаш қобилияти ва очиқ майдондаги фаоллиги билан ўзини истиқболли марказий ҳимоячи сифатида кўрсата олганди. "Қаймоқранглилар" сафига ўтганидан сўнг у мунтазам равишда асосий таркибда майдонга тушмоқда, бироқ жорий мавсумдаги бир қатор ўйинларда гол билан якунланган хатоларга йўл қўйди ва юқори босим остида ўйнашда қийинчиликларга дуч келди.
Клубдаги беқарор ўйинлар фонида унинг бўлажак Жаҳон чемпионатидаги иштироки сўроқ остида қолиши мумкин. Испания терма жамоаси бош мураббийи Луис де ла Фуэнте таркибни футболчиларнинг айни дамдаги формаси ва ўйин амалиётидан келиб чиқиб шакллантиради. Миллий жамоанинг марказий ҳимоячилари ўртасидаги рақобат эса юқорилигича қолмоқда.
