Эквадорлик ҳимоячи Первис Эступиньян ёзда "Милан"ни тарк этиши мумкин. Бу ҳақда Sky Sports Switzerland нашри ёзмоқда.
Қайд этилишича, Италия гранди футболчи борасидаги таклифларни кўриб чиқишга тайёр. Эступиньян "Милан"га "Брайтон" клубидан кўчиб ўтган эди. Футболчининг меҳнат шартномаси 2030 йил ёзига қадар амал қилади. Transfermarkt портали ҳимоячининг трансфер қийматини 14 миллион еврога баҳолаган.
Жорий мавсумда Первис Эступиньян "Милан" сафида 17 та учрашув ўтказди. Уларда футболчи битта голли узатмани ўз ҳисобига ёздириб қўйди.













