Халқаро спорт тадқиқотлари маркази (CIES) дунёнинг 56 та лигаси жамоалари ўртасида прессинг даражасига кўра рейтингни эълон қилди.

Ушбу рейтингда прессинг қўллаш вақтида ўз дарвозасидан бўлган масофа, рақибнинг тўпга эгалик қилишини тўхтатиш тезлиги, рақиб узатмаларига нисбатан ҳимоя ҳаракатлари частотаси, шунингдек, тўпга эга бўлмаган вақтда майдоннинг учинчи қисмида (ҳужумда) фол ишлатишга мойиллик каби параметрлар ҳисобга олинган.

Рейтингнинг биринчи поғонасини Нидерландия иккинчи лигаси вакили «Ден Хааг» эгаллади. Ушбу жамоа 100 баллик шкала бўйича максимал баллни қўлга киритди. 41 ёшли Криштиану Роналду тўп сурадиган «Ан-Наср» эса 95,2 балл билан 10-ўринни банд этди.

Эътиборли жиҳати шундаки, дунёнинг кучли бешлик лигаларидан бирорта ҳам клуб умумий рейтингда биринчи ўнталикка кира олмаган.

Агар фақат дунёнинг энг кучли бешта лигасини (Англия, Испания, Италия, Германия, Франция) кўриб чиқадиган бўлсак, энг яхши ўнталик қуйидагича кўриниш олган:

1. «Комо» — 94,5 балл

2. «ПСЖ» — 94,2 балл

3. «Бавария» — 93,3 балл

4. «Хоффенхайм» — 90,5 балл

5. «Рома» — 90,4 балл

6. «Барселона» — 89,7 балл

7. «Манчестер Сити» — 88,7 балл

8. «Болонья» — 88,3 балл

9. «Атлетик» — 88,2 балл

10. «Штутгарт» — 87,6 балл