Мадриднинг «Атлетико» клуби бош мураббийи Диего Симеоне Испания Кубоги ярим финалининг жавоб учрашувидан сўнг «Барселона»нинг икки футболчисини мақтади.

Каталонияликлар 3:0 ҳисобида ғалаба қозонишди, бироқ февраль ойидаги биринчи баҳсда 4:0 ҳисобида зафар қучган «матрасчилар» финалга йўл олишди. «Камп Ноу»даги беллашув якунида журналистлар билан суҳбатлашган Симеоне Рафинья ва Педрининг ўйинига қойил қолганини билдирди.

«Рафиньяга ҳаққоний баҳо бериш керак — у фантастик ўйинчи. У ва Педри — шунчаки ақл бовар қилмас футболчилар», — дея аргентиналик мутахассиснинг сўзларини келтирмоқда журналист Фабрицио Романо.

Бугун «Реал Сосьедад» ва Бильбаонинг «Атлетик» жамоалари Испания Кубоги финалининг иккинчи йўлланмаси учун баҳс олиб боришади.