Мадриднинг «Атлетико» клуби сардори Коке Испания Кубоги ярим финалининг жавоб учрашувида «Барселона»дан қабул қилинган 0:3 ҳисобидаги мағлубиятдан сўнг интервью берди.
Ушбу натижа «матрасчилар»ни қаноатлантирди — тўқнашувнинг илк баҳсида улар 4:0 ҳисобида ғалаба қозонишган эди.
«Биз тўрт ёки беш йилдан бери соврин ютмаяпмиз, шу сабабли мухлисларимиз учун финалга чиқишни жуда хоҳлагандик. Бу фаолиятимдаги энг бахтли мағлубият», — дея Atletico Universe 34 ёшли ярим ҳимоячининг сўзларини келтирмоқда.
Финалда Диего Симеоне жамоаси ё «Реал Сосьедад», ёки Бильбаонинг «Атлетик» клуби билан ўйнайди. Баск жамоалари ўртасидаги дастлабки учрашув «оқ-кўклар»нинг ғалабаси билан якунланган эди (1:0), жавоб жанги эса бугун бўлиб ўтади.
