«Барселона» футболчиси Рафинья Диас Испания Кубоги ярим финали доирасида Мадриднинг «Атлетико» клубига қарши кечган жавоб баҳсидан сўнг журналистлар билан суҳбатлашди.
«Кўк-анорранглилар» 3:0 ҳисобида устун келишди, бироқ дастлабки учрашувда 0:4 ҳисобида имкониятни бой беришгани сабабли турнирни тарк этишди.
«Ишонинг, агар биз бугунгидек ўйнашда давом этсак, мавсум якунида ақл бовар қилмас воқеаларнинг гувоҳи бўламиз. Олдинга интилишда давом этишимиз, тушкунликка тушмаслигимиз керак. Эртага янги кун келади. Ҳа, биз мақсадимизга эриша олмаганимиз учун хафамиз, лекин бугун кечқурун кўрсатган ўйинимиздан фахрлансак арзийди», — дея The Touchline нашри Рафиньянинг сўзларини келтирмоқда.
Бразилиялик футболчи ушбу баҳсда ўз ҳисобига битта гол ёздириб қўйди — у пенальтини аниқ амалга оширди. Ярим ҳимоячи Марк Берналь эса дублни қайд этди.
