Каталониянинг «Барселона» клуби собиқ футболчиси Мунир Эл-Ҳаддади сўнгги вақтларда Эрон чемпионатида тўп сураётган эди, шу сабабли охирги кунлар у учун жуда ҳаяжонли ва таҳликали кечди.

АҚШ ва Исроил томонидан Эроннинг бомбардимон қилиниши бошланиши билан, у Теҳрондан ҳозирда минтақадаги ягона хавфсиз давлат бўлиб турган Туркия йўналиши бўйлаб қочишга мажбур бўлди. Испаниянинг El Mundo Deportivo нашри аниқлик киритишича, Мунирнинг автомобиль бошқарувидаги сафари камида ўн олти соат давом этган.

Қизиғи шундаки, ушбу сафар харажатларини, жумладан, ёқилғигача бўлган барча тўловларни клуб қоплаб берган. Ҳозирда Мунир аллақачон Испанияда бўлиб турибди. Унинг яқин келажакдаги режалари ҳақида ҳозирча ҳеч қандай маълумот берилмаган.