Kataloniyaning «Barselona» klubi sobiq futbolchisi Munir El-Haddadi so‘nggi vaqtlarda Eron chempionatida to‘p surayotgan edi, shu sababli oxirgi kunlar u uchun juda hayajonli va tahlikali kechdi.
AQSH va Isroil tomonidan Eronning bombardimon qilinishi boshlanishi bilan, u Tehrondan hozirda mintaqadagi yagona xavfsiz davlat bo‘lib turgan Turkiya yo‘nalishi bo‘ylab qochishga majbur bo‘ldi. Ispaniyaning El Mundo Deportivo nashri aniqlik kiritishicha, Munirning avtomobil boshqaruvidagi safari kamida o‘n olti soat davom etgan.
Qizig‘i shundaki, ushbu safar xarajatlarini, jumladan, yoqilg‘igacha bo‘lgan barcha to‘lovlarni klub qoplab bergan. Hozirda Munir allaqachon Ispaniyada bo‘lib turibdi. Uning yaqin kelajakdagi rejalari haqida hozircha hech qanday ma’lumot berilmagan.
