Мадриднинг «Реал» клуби ҳужумчиси Килиан Мбаппе тиззасидаги хочсимон бойламлар узилиши сабабли сафдан чиққан жамоадоши Родригони қўллаб-қувватлади.

Бразилиялик футболчи мавсумнинг қолган қисмини ўтказиб юборади, шунингдек, ёзда бўлиб ўтадиган Жаҳон чемпионатида ўз миллий терма жамоасига ёрдам бера олмайди.

«Сенга дунёдаги бор куч-қувватни тилайман, биродар. Бу вақтни ўзингга ва оилангга бағишла — шунда сен янада кучли бўлиб қайтасан», — деб ёзди Мбаппе ижтимоий тармоқлардаги саҳифасида.

Тахминларга кўра, Родригонинг тикланиш жараёни кузгача давом этади. Жорий мавсумда 25 ёшли футболчи «қаймоқранглилар» сафида барча турнирларда 27 та ўйин ўтказишга улгурган бўлиб, ўз ҳисобига учта гол ва олтита голли узатмани ёздириб қўйган эди.