"Милан" Рафаэл Леау билан шартномани узайтиришни истамоқда.

Португалиялик вингернинг "россонерилар" билан амалдаги келишуви 2028 йилгача мўлжалланган. La Gazzetta dello Sport нашрининг хабар беришича, клуб шартнома муддатини 2030 йилгача узайтириш ниятида. "Милан" аллақачон футболчининг оила аъзолари, агентлари ва ҳуқуқшунослари билан боғланган. Яқин вақт ичида навбатдаги музокаралар бўлиб ўтиши кутилмоқда.

Ҳозирда Леау мавсумига тахминан 5,5 млн евро маош олмоқда. Янги келишув имзоланган тақдирда, футболчининг иш ҳақи катта эҳтимол билан оширилади.

А Серия жорий мавсумида Рафаэл 20 та ўйинда майдонга тушиб, 9 та гол урди ва 2 та голли узатмани амалга оширди.