Машҳур бразилиялик собиқ футболчи Роналдиньо хочсимон боғламларидан жароҳат олган ватандоши Родригони қўллаб-қувватлади.
Мадриднинг «Реал» клуби ҳужумчиси жорий мавсум якунига қадар сафдан чиқди, шунингдек, у Бразилия терма жамоаси сафида ЖЧ-2026да ҳам иштирок эта олмайди.
«Сенга тўлиқ соғайиб қайтишингни тилайман, биродар», — деб ёзди Роналдиньо ижтимоий тармоқларда «қаймоқранглилар»нинг 25 ёшли ҳужумчиси билан тушган суратини илова қилган ҳолда.
Родригонинг майдонга қайтиши куз фаслига режалаштирилган.
Эслатиб ўтамиз, Роналдиньо кўпроқ «ПСЖ», «Барселона» ва «Милан»даги ўйинлари билан машҳур. У 2015 йилда футболчилик фаолиятини якунлаган эди.
