Ёзги трансфер ойнасида «Милан» ярим ҳимоячиси Юссуф Фофана жамоани тарк этиши мумкин. Шу билан бирга, 27 ёшли франциялик футболчининг трансфери арзонга тушмайди — «россонерилар» унинг учун камида 30 миллион евро талаб қилади. Бу ҳақда журналист Даниэле Лонго хабар бермоқда.
Фофананинг «Милан» билан амалдаги шартномаси 2028 йилнинг ўрталарига қадар мўлжалланган. Юссуф «россонерилар» сафида жами 77 та ўйин ўтказиб, ўз ҳисобига иккита гол ва 12 та голли узатмани ёздириб қўйган.
Ҳозирда «Милан» Италия чемпионати турнир жадвалида иккинчи ўринда бормоқда. Массимилиано Аллегри шогирдлари қўшниси «Интер»дан ўн очкога ортда қолмоқда.
