Лондоннинг «Тоттенхэм» клуби шарафини ҳимоя қилаётган нидерландиялик ҳимоячи Микки ван де Вен Испания чемпионати топ-клубларининг қизиқишлари доирасида бўлиб турибди.
Transfernewslive саҳифаларида хабар берилишича, Каталониянинг «Барселона» ва Мадриднинг «Реал» клублари футболчини ўз сафига қўшиб олишни истамоқда.
Ван де Веннинг ўзи эса «шпорлар» билан янги меҳнат шартномасини имзолашдан бош тортди. Томонлар ўртасидаги амалдаги келишув 2029 йилнинг ўрталарига қадар мўлжалланган. 24 ёшли нидерландиялик футболчининг бозор қиймати 65 миллион еврони ташкил этади.
Англия чемпионатининг жорий мавсумида ҳимоячи 26 та ўйинда майдонга тушиб, тўртта гол урди ва битта голли узатмани амалга оширди.
