Англиянинг «Ливерпуль» клуби ёзги мавсумолди тайёргарлик доирасида АҚШда Голливуд актёри Райан Рейнольдсга тегишли бўлган «Рексем» жамоаси билан учрашишни режалаштирмоқда. Бу ҳақда The Athletic нашри хабар бермоқда.

Шунингдек, мерсисайдликларнинг АҚШдаги турнеси давомида «Лидс Юнайтед» ва «Сандерленд» жамоаларига қарши ўйинлари ҳам кўзда тутилган. «Рексем» билан бўладиган баҳс Нью-Йоркнинг машҳур бейсбол жамоаси «Нью-Йорк Янкис»нинг уй стадионида ўтказилиши мумкин.

Эслатиб ўтамиз, 7 март куни «Рексем» Англия Кубогининг 1/8 финалида Лондоннинг «Челси» жамоаси билан куч синашади. Айни дамда Чемпионшипнинг 35-туридан сўнг «Рексем» 57 очко билан турнир жадвалида 6-ўринни эгаллаб турибди.

«Ливерпуль» эса АПЛ турнир жадвалида 29 ўйиндан сўнг 48 очко билан 5-поғонада бормоқда.