Лондоннинг «Тоттенхэм» клуби Англия чемпионати 29-турининг сўнгги ўйинини муваффақиятсиз ўтказди. «Шпорлар» баҳс давомида ҳисобда олдинга чиқиб олган бўлсалар-да, тез орада майдонда бир киши кам бўлиб қолишди, кетидан эса биринчи бўлим якунида ўз дарвозаларидан бир йўла учта тўп олиб чиқишди.

Бу Англия чемпионати доирасида «Тоттенхэм» ғалаба қозона олмаётган кетма-кет ўн биринчи ўйин бўлди.

Клубда бу қадар омадсиз серия ярим асрдан кўпроқ вақтдан бери кузатилмаган эди. Охирги марта «Тоттенхэм» 1975 йилнинг август-октябрь ойлари оралиғида чемпионатда қаторасига 11 ўйинда ғалаба қозона олмаган.

Англия чемпионати доирасидаги навбатдаги учрашувда «Тоттенхэм» «Ливерпуль»га қарши майдонга тушади.