Аввал хабар берганимиздек, англиялик ҳимоячи Харри Магуайр 2020 йилда Грецияда оилавий ҳордиқ чиқариш вақтида содир этган жанжали учун енгил жазо билан қутулиб қолди. Суд уни рамзий равишда 15 ойлик шартли қамоқ жазосига маҳкум этди.
Бироқ, бу қарор жабрланувчи томонни мутлақо қониқтирмади. Уларнинг адвокати Иоаннис Парадиссиснинг таъкидлашича, Магуайр судда ўз айбини тан олмаган ва пушаймон бўлмаган. Бундан ташқари, у жабрланган полициячилардан узр сўрашга ҳамда ижтимоий муносабатлар даражасида инцидентни юмшатишга уриниб ҳам кўрмаган.
Адвокат АПЛ раҳбариятини вазиятга аралашишга ва ҳукумат вакилларига қўл кўтарган ҳамда давлат ҳокимияти органлари обрўсига путур етказган футболчига Премьер-лигада тўп суришни тақиқлашга чақирди.
