Мадриднинг «Реал» клуби собиқ футболчиси Луиш Фигу Килиан Мбаппенинг жароҳати билан боғлиқ вазиятга тўхталиб ўтди ва уни майдонга қайтишга шошилмасликка чақирди.
«Мбаппенинг жароҳати — кўп жиҳатдан футболчининг шахсий даражада нимани ҳис қилаётганига боғлиқ масала. У таваккалга қўл ура оладими ёки йўқ, ва бу таваккал янада жиддийроқ оқибатларга олиб келмайдими... Менинг фаолиятимда ҳам майдонга қайтишни тезлаштирган вақтларим бўлган ва бу доим ҳам яхшилик билан тугамаган. Лекин мен буни майдонда бўлишни истаганим учун қилганман... Кейинчалик бундай қурбонликлар ўз сўзини айтади (соғлиққа таъсир қилади)», — дея Фигунинг сўзларини келтирмоқда Mundo Deportivo.
Аввалроқ ОАВда Франция терма жамоаси ва «Реал» ҳужумчисининг тикланиш жараёни ҳақида маълумотлар пайдо бўлган эди. Манбаларга кўра, футболчининг яқинлари Мадрид клубида кўриб чиқилаётган эҳтимолий қайтиш муддатларини қўллаб-қувватламаган.
Қайд этилишича, ўйинчининг вакиллари реабилитация жараёнини тезлаштиришга қарши чиқишмоқда. Жаҳон чемпионати бошланишига тахминан 100 кун қолган бир вақтда, футболчи соғлиғини хавф остига қўймоқчи эмас ва фақат тўлиқ тикланганидан кейингина баҳсларга қайтишни режалаштирмоқда.
