Массимилиано Аллегри кейинги мавсумдан бошлаб кўпроқ даромад олиши мумкин.

«La Gazzetta dello Sport» нашрининг хабар беришича, «Милан» Чемпионлар лигаси йўлланмасини қўлга киритганидан сўнг, бош мураббийнинг йиллик маоши 1 миллион еврога ошиб, 5 миллиондан 6 миллион еврога етади.

Шунингдек, шартномадаги учинчи йил кафолатланган муддатга айланади. Аввалроқ томонлар 2027/28 йилги мавсум учун келишувни узайтириш ЧЛга йўлланма олинган тақдирда автоматик тарзда ёки раҳбарият қарори билан амалга ошишига келишиб олишган эди. Жорий чемпионатда кучли тўртликдан жой олиш бу масалани кун тартибидан чиқаради. Бундан ташқари, шартномада 2028/29 йилги мавсум учун ҳам узайтириш имконияти кўзда тутилган.

27-турдан сўнг «Милан» А Серия жадвалида иккинчи ўринда бормоқда. Жамоанинг 5-ўриндаги «Комо» билан орадаги фарқи 9 очкони ташкил этади.