Миланнинг «Интер» клубини ёзги трансфер ойнасида бир йўла бир нечта футболчи тарк этиши мумкин. Бу ҳақда Tribal Football журналистлари хабар бермоқда.
Манбага кўра, «нерадзуррилар» дарвозабон Янн Зоммер, шунингдек, уч нафар ҳимоячи: Стефан де Врей, Маттео Дармиан ва Франческо Ачерби билан хайрлашишни режалаштирмоқда.
Жорий мавсумда «Интер» Чемпионлар лигасида муваффақиятсизликка учради ва ўтиш ўйинларида Норвегиянинг «Будё-Глимт» жамоасига имкониятни бой бериб (1:3, 1:2), мусобақани тарк этди.
Италия А Сериясида эса миланликлар 67 очко билан турнир жадвалида биринчи ўринни эгаллаб туришибди ва энг яқин таъқибчисини ўн очкога ортда қолдирмоқдалар.
