Ҳужумчи Эван Фергюсоннинг «Рома»даги фаолияти ўз ниҳоясига етмоқда. Римликлар сафида ижара асосида тўп сураётган «Брайтон» ҳужумчиси, катта эҳтимол билан, тўпиғидаги операция сабабли мавсумнинг қолган қисмини ўтказиб юборади.
21 ёшли ирландиялик футболчи АПЛдаги фаолиятини бошлаган кезларида жуда истиқболли ўйинчи ҳисобланган эди, бироқ жароҳатлар унга доимий равишда халақит бермоқда. Жумладан, 2023/24 йилги мавсумдаги тизза боғламларининг узилиши ва 2024/25 йилги мавсум бошидаги соғлиғи билан боғлиқ муаммолар шулар жумласидандир, деб ёзади Football Italia.
Фергюсон «Рома» таркибида 22 та ўйинда майдонга тушиб, 5 та гол урди ва 2 та голли узатмани амалга оширди, шундан сўнг яна тўпиғидан жароҳат олди. Энди у операция учун Буюк Британияга йўл олади, шу сабабли мавсум у учун амалда якунланди. Кўриниб турибдики, бу воқеалардан кейин «Рома» футболчининг трансферини сотиб олмайди.
