Жорий мавсумни ижара асосида «Трабзонспор»да ўтказаётган «Манчестер Юнайтед» дарвозабони Андре Онананинг келажаги борасида маълумотлар пайдо бўлди.
Manchester Evening News нашрининг тасдиқлашича, Туркия клуби «Манчестер Юнайтед»га ёзги трансфер ойнасида камерунлик посбон учун 46 миллион евро тўлашга тайёр эмаслигини маълум қилган. 29 ёшли футболчи якунда қаерда тўп суриши ҳозирча номаълум.
Жорий мавсумда Онана «Трабзонспор» таркибида 21 та ўйинда майдонга тушиб, 31 та гол ўтказиб юборди ва 4 та учрашувда ўз дарвозаси дахлсизлигини сақлаб қолди.
Дарвозабоннинг «қизил иблислар» билан шартномаси 2028 йилгача мўлжалланган. Transfermarkt портали футболчининг қийматини 12 миллион еврога баҳоламоқда.
