«Манчестер Сити» бош мураббийи Хосеп Гвардиола жамоанинг бразилиялик вингери Савио ҳақида ўз фикрлари билан ўртоқлашди.

«Ёшига қарамай, у яккама-якка вазиятларда тўхтатиб бўлмас даражада кучли. Ишимизни охиригача етказсак, у юқори тоифадаги футболчига айланади», — дея Гвардиоланинг сўзларини журналист Фабрицио Романо келтирмоқда.

Жорий мавсумда 21 ёшли Савио барча мусобақаларда 26 та ўйинда майдонга тушиб, 3 та гол урди ва ўз ҳисобига 3 та голли узатмани ёздириб қўйди.

11 март куни «Манчестер Сити»ни Мадриднинг «Реал» клубига қарши сафардаги муҳим баҳс кутмоқда.