Англиянинг «Фулхэм» клуби марказий ҳимоячиси Самуэль Амисса ўз ўйини билан Франциянинг «Марсель» клуби эътиборини тортди. Бу ҳақда The Telegraph нашри хабар бермоқда.
«Марсель» футболчи учун курашда Англия Премьер-лигасининг бир қатор клублари билан рақобатлашишига тўғри келади. 19 ёшли инглиз футболчисининг «дала ҳовли эгалари» билан амалдаги шартномаси келгуси йилнинг июнь ойида ниҳоясига етади.
Амисса «Фулхэм» ёшлар жамоасининг асосий ўйинчиси ҳисобланади ва жорий мавсумда у ерда 20 та ўйинда майдонга тушиб, 4 марта огоҳлантириш (сариқ карточка) олган. Англиянинг турли ёшдаги ўсмирлар терма жамоаларида ўйнаш тажрибасига эга бўлишига қарамай, Амисса ҳали «Фулхэм»нинг асосий таркибида расмий мусобақаларда дебют қилгани йўқ.
