«Ноттингем Форест» сафида тўп сураётган ивуарлик хавбек Ибрагим Сангаре клубини ўзгартириши мумкин. Caught Offside берган маълумотларга кўра, «Манчестер Юнайтед» африкалик футболчининг хизматларига қизиқиш билдирмоқда.

Агар «қизил иблислар» фойдали таклиф билан чиқишса, «ўрмончилар» ярим ҳимоячи билан хайрлашишга тайёр бўлишади. «Ноттингем Форест» Сангаре трансферидан 45-50 миллион евро ишлаб олмоқчи.

Жорий мавсумда 28 ёшли таянч ярим ҳимоячиси 32 та учрашувда иштирок этиб, ўз ҳисобига иккита гол ва учта голли узатмани ёздириб қўйди. Ибрагимнинг «ўрмончилар» билан меҳнат келишуви 2028 йилнинг ўрталарига қадар мўлжалланган.