«Пари Сен-Жермен» вингери Брэдли Баркола яна «Манчестер Юнайтед»нинг эътиборига тушди. Инглиз гранди ўтган йили ҳам француз футболчисига даъвогарлар қаторида тилга олинган эди, бироқ ўшанда иш аниқ қадамларгача етиб бормаганди. Журналист Экрем Конурнинг маълумотига кўра, «қизил иблислар» Барколани яна ўзларининг қисқа рўйхатига (шорт-лист) киритишган.
«МЮ» раҳбарияти 23 ёшли футболчини «Барселона»га доимий асосда ўтиши мумкин бўлган Маркус Рэшфордга энг муносиб ўринбосарлардан бири деб ҳисобламоқда.
Брэдли Барколянинг Transfermarkt порталидаги тахминий баҳоси 70 миллион еврони ташкил этади. Футболчининг «ПСЖ» билан амалдаги меҳнат шартномаси 2028 йилнинг ўрталарига қадар мўлжалланган.
