«Аталанта» бош мураббийи Раффаэле Палладино УEФА Чемпионлар лигаси 1/8 финалидан ўрин олган Мюнхеннинг «Бавария» жамоасига қарши бўлажак дастлабки ўйин ҳақида фикр билдирди.

«Бизни сеҳрли оқшом, ҳақиқий байрам кутмоқда. Чемпионлар лигаси 1/8 финалида дунёнинг энг кучли жамоаларидан бирига қарши ўйнаш — бу бир орзу. Орзулар эса ушалиши учун мавжуддир. Биз ўйиндан завқ олишни ва «Бавария»га муаммолар туғдиришни истаймиз. Биз ўз уйимиздамиз, шундай экан, умид қиламанки, «Боруссия» билан ўйинда кўрганингиз каби шижоатли ўйин намойиш эта оламиз.

Чемпионлар лигасида Италиянинг ягона вакили бўлиб қолиш — ақл бовар қилмас даражада ёқимли туйғу. Бутун италияликлар сизга мухлислик қилаётганини ҳис этасиз. Менга ҳар томондан, ҳатто «Фиорентина» ва «Монца»даги собиқ шогирдларимдан ҳам қўллаб-қувватлаш сўзлари келмоқда», — дея Палладинонинг сўзларини келтиради УEФА расмий сайти.

Эслатиб ўтамиз, Чемпионлар лигаси 1/8 финалининг жавоб учрашуви 18 март куни Мюнхендаги «Арена Мюнхен» стадионида бўлиб ўтади.