"Тоттенхэм" шу ёзда "Реал" вингери Родриго билан шартнома имзоламоқчи эди. Бу ҳақда Николо Скира хабар бермоқда.
Манба берган маълумотларга кўра, "шпорлар" футболчининг агентлари билан музокаралар олиб боришган, бироқ у жиддий жароҳат олганидан сўнг футболчини сотиб олиш вариантидан воз кечишган. Энди бразилиялик футболчи "Реал"да қоладиган бўлди.
Бугун, 10 март куни Родриго тиззасидаги боғламлар узилишидан сўнг операция қилинди. Ҳужумчи Жаҳон чемпионатини ўтказиб юборади ва майдонга фақат сентябрь ойида қайтади.













