"Манчестер Сити" бош мураббийи Хосеп Гвардиола фаолиятини якунлаганидан сўнг "Реал"га қарши ўйинлар каби баҳсларни соғиниш-соғинмаслиги ҳақидаги саволга жавоб берди.
"Албатта, мен бундай ўйинларни соғинаман. Бу ерга келиш менга ёқади. Мадридлик инсонлар буни кутишмаган бўлса-да, мен "Реал"га нисбатан чексиз ҳурмат ҳис қиламан. Улар жаҳон футболи учун жуда кўп яхши ишларни амалга оширишган.
Ҳа, мен соғинаман, лекин ҳаммасидан ҳам кўра кўпроқ — "Камп Ноу"га боришни, "Бавария"га қарши ўйинларни соғинаман. Тўхтаб, истеъфога чиққанимда, шубҳасиз, мана шу лаҳзаларни соғинаман. Бу ўзгача оқшомларни соғиниб қоламан.
Шунингдек, мен "Селхерст Парк"ни ҳам соғинаман, у менга ёқади. Премьер-лига, бу стадионлар... Менга "Фулхэм", "Кристал Пэлас", "Гудисон Парк" стадионлари ёқади... Бу стадионлар — мен АПЛни, Англияни, учинчи дивизион жамоаларига қарши кубок баҳсларини яхши кўришимнинг сабабларидан биридир. Бу менга жуда ёқади. Аммо бир кун келиб буларнинг барчаси тугайди, шундай эмасми?" — деди Гвардиола TNT Sports нашрига.
