Матбуот Юрген Клоппнинг мураббийлик фаолиятига қайтиши ҳақида мунтазам равишда ёзмоқда. Bild нашрининг хабар беришича, яқинлашиб келаётган ёзда германиялик топ-мутахассис Германия терма жамоасини бошқариши мумкин.
Ҳозирда Бундестим билан Юлиан Нагельсманн ишламоқда. Агар жамоа жаҳон чемпионатида ўзини ёмон кўрсатса, ушбу мутахассис ўз лавозимини тарк этиши кундек равшан.
2014 йилда Германия терма жамоаси жаҳон чемпиони бўлган эди. Шундан сўнг, 2018 ва 2022 йилги мундиалларда Бундестим ҳатто гуруҳдан чиқишнинг уддасидан чиқа олмади. Табиийки, немислар бўлажак ёздаги турнирда яхши иштирок этишни исташмоқда. Шу боис, Нагельсманн олдига қўйилган талаблар анча жиддий.
2025 йилнинг бошидан буён Клопп "Ред Булл" футбол тизимида фаолият юритмоқда. Сўнгги ҳафталар ва ойлар давомида мутахассиснинг номи мунтазам равишда Мадриднинг "Реал" клуби билан ҳам боғланмоқда.
