Италия оммавий ахборот воситаларининг хабар беришича, "Ювентус"нинг сербиялик ҳужумчиси Душан Влахович оғир жароҳатдан сўнг тўлиқ тикланди. Серб ушбу жароҳатни ўтган йилнинг ноябрь ойида олган эди. Чоршанба куни у "бьянконерилар" таркибида тўлиқ машғулот ўтказди.

Кутилишича, Влахович А Сериянинг навбатдаги туридан ўрин олган "Удинезе"га қарши ўйин учун "Юве" қайдномасидан жой олади.

Жорий мавсумда Влахович жароҳат олгунига қадар барча турнирларда жами саккизта самарали ҳаракатни амалга оширишга улгурган эди: олтита гол ва иккита голли узатма. Transfermarkt портали 26 ёшли ҳужумчини 35 миллион еврога баҳоламоқда. Унинг "Юве" билан шартномаси келаётган ёзнинг ўртасига қадар амал қилади.