Чемпионлар лигаси 1/8 финали доирасидаги ўз уйида кечган баҳсда Франциянинг «ПСЖ» клуби Лондоннинг «Челси» жамоаси устидан 5:2 ҳисобида ғалаба қозонди. Ушбу учрашувда Хвича Кварацхелия дублга эришди.
Жамоа устози Луис Энрике грузиялик вингернинг мазкур ўйиндаги иштирокига баҳо берди.
«Биз икки бор ҳисобда олдинга чиқиб олдик, бироқ рақиб мувозанатни тиклашга муваффақ бўлди. Ўйин якунида ғалабани илиб кетишга эришдик. Ушбу натижага Хвича қўшган ҳиссани алоҳида таъкидлаб ўтмоқчиман. У — ажойиб вингер», — дея фикр билдирди испаниялик мутахассис «Окко Спорт» эфирида.
