«Ливерпуль» ва Англия терма жамоаси собиқ футболчиси Жейми Каррагер Чемпионлар лигаси 1/8 финалидан ўрин олган «ПСЖ» ва «Челси» ўртасидаги илк учрашув (5:2) натижаси борасида ўз фикрлари билан ўртоқлашди.

«Бу ажойиб ўйин бўлди, менимча, бу жорий мавсумда Чемпионлар лигасида кўрган энг яхши ўйинимдир. «Челси» 2:5 ҳисобидаги мағлубиятга лойиқ эмасди, бироқ бунда уларнинг ўзлари айбдор. Мен «Челси»ни анчадан бери танқид қилиб келаман ва ҳозир мутлақо жиддий айтяпман: улар дарвозабонлар билан боғлиқ муаммони ҳал қилмагунларича бундан ортиғига эриша олмайдилар. Мен буни доимо таъкидлаб келаман», — деди Каррагер CBS Sportsга берган интервьюсида.

«Челси» ва «ПСЖ» ўртасидаги жавоб учрашуви 17 март куни Лондондаги «Стэмфорд Бридж» стадионида бўлиб ўтади.