Ўтмишнинг машҳур футболчиси Гари Невилл «Тоттенхэм»даги вазият борасида ўз фикрлари билан ўртоқлашди. Лондон жамоаси ҳозирда 16-ўринни эгаллаб турибди ва Премьер-лиганинг хавфли ҳудудидан (қуйи лигага тушиб кетиш зонаси) атиги бир очко олдинда, холос.
«Агар «Тоттенхэм» чиқиб кетса, бу Премьер-лига учун жуда яхши бўларди. Рақобат нуқтаи назаридан «Лидс»нинг қолиши ажойиб бўларди. «Сандерленд» ҳам лигада қолиши керак», — дея Невиллнинг сўзларини келтирмоқда The Touchline нашри The Overlap кўрсатувига таяниб.
«Тоттенхэм» Англия чемпионатидаги навбатдаги ўйинини якшанба куни, 15 мартда сафарда «Ливерпуль»га қарши ўтказади. Баҳс Тошкент вақти билан соат 21:30 да бошланади.
