«Реал» Чемпионлар лигаси чорак финали сари катта қадам ташлади — мадридликлар ўз майдонида «Манчестер Сити»ни 3:0 ҳисобида мағлуб этди. Жамоадаги жиддий кадрлар муаммосига қарамай, Мадрид клуби ажойиб натижага эришди.
The Athletic нашрининг хабар беришича, ҳужумчи Килиан Мбаппе Англиядаги жавоб учрашувида иштирок этиш имкониятига эга. Франциялик юлдуз тиззасидаги муаммо сабабли «Реал»нинг сўнгги ўйинларини ўтказиб юборган эди. Шунингдек, ҳимоячилар Альваро Каррерас ва Давид Алаба ҳам жавоб баҳсига қадар соғайиб сафга қайтишлари мумкин.
Ярим ҳимоячи Жуд Беллингемга келсак, унинг келаси ҳафта «Манчестер Сити»га қарши ўйнамаслиги кутилмоқда. Чоршанба кунги баҳсда захирага олинган Ферлан Мендининг ҳолати эса қўшимча тиббий кўрик натижаларига боғлиқ бўлиб турибди.
«Манчестер Сити» ва «Реал» ўртасидаги жавоб учрашуви 17 март куни бўлиб ўтади.
