«Интер» клуби шу ёзда таркибни кучайтиришни режалаштирмоқда. «The Touchline» нашрининг «La Gazzetta dello Sport»га таяниб хабар беришича, Милан клуби «Рома» ярим ҳимоячиси Ману Коне трансфери учун 40 миллион евро ажратган.
Коне 2024 йилнинг ёзидан буён «Рома» шарафини ҳимоя қилиб келмоқда. Ушбу давр мобайнида француз футболчиси 77 та расмий учрашувда майдонга тушиб, ўз ҳисобига тўртта гол ва бешта голли узатмани ёздириб қўйди.
2024 йилнинг кузидан бошлаб Ману Коне Франция миллий терма жамоаси сафида мунтазам равишда ўйнаб келмоқда.
Айни дамда «Интер» 67 очко билан Италия чемпионати турнир жадвалида пешқадамлик қилмоқда. «Рома» эса 51 очко билан бешинчи поғонани эгаллаб турибди.
