Бильбаонинг «Атлетик» клуби вингери Нико Уильямс келаётган ёзда жамоасини ўзгартириши мумкин. «El Nacional» нашрининг хабар беришича, басклар клуби 23 ёшли футболчининг жорий мавсумдаги ўйинидан унчалик мамнун эмас, шу сабабли бўлажак трансфер ойнасида уни сотиш имкониятларини кўриб чиқишга тайёр. Футболчининг шартномасида товон пули 95 млн евро қилиб белгиланган бўлса-да, «Атлетик» бундан камроқ сумма сўраши кутилмоқда.

«Transfermarkt» портали Нико Уильямснинг нархини 60 млн еврога баҳолаган. Ўтган йилнинг ёзида испаниялик футболчи «Барселона»га ўтишдан бош тортган ва ҳозирги клуби билан шартномасини 2035 йилгача узайтирган эди. Жорий мавсумда Европа чемпиони барча турнирларда 26 та ўйинда майдонга тушиб, 4 та гол ва 6 та голли узатмани ўз ҳисобига ёздириб қўйди.