"Челси" ўзининг расмий сайтида жамоа ҳимоячиси ва сардори Рис Жеймс борасида баёнот берди.
Баёнотда айтилишича, футболчи Лондон клуби билан 2032 йилгача амал қиладиган янги меҳнат шартномасини имзолаган. Аввалги келишув 2028 йилнинг ўрталарига қадар мўлжалланган эди.
Англия чемпионатининг жорий мавсумида ўнг қанот ҳимоячиси 26 та ўйинда иштирок этиб, иккита гол урди ва шерикларига бешта голли узатмани амалга оширди.
Чемпионлар Лигасида эса 26 ёшли футболчи саккизта учрашувда иккита голли пас узатди.
Жеймс "Челси" тарбияланувчиси ҳисобланади. Transfermarkt портали маълумотларига кўра, унинг трансфер қиймати 60 миллион еврога баҳоланмоқда.
