"Chelsi" o‘zining rasmiy saytida jamoa himoyachisi va sardori Ris Jeyms borasida bayonot berdi.

Bayonotda aytilishicha, futbolchi London klubi bilan 2032 yilgacha amal qiladigan yangi mehnat shartnomasini imzolagan. Avvalgi kelishuv 2028 yilning o‘rtalariga qadar mo‘ljallangan edi.

Angliya chempionatining joriy mavsumida o‘ng qanot himoyachisi 26 ta o‘yinda ishtirok etib, ikkita gol urdi va sheriklariga beshta golli uzatmani amalga oshirdi.

Chempionlar Ligasida esa 26 yoshli futbolchi sakkizta uchrashuvda ikkita golli pas uzatdi.

Jeyms "Chelsi" tarbiyalanuvchisi hisoblanadi. Transfermarkt portali ma’lumotlariga ko‘ra, uning transfer qiymati 60 million yevroga baholanmoqda.