Винисиус XXI асрда "Реал" таркибида 10 дан ортиқ пенальти тепган футболчилар орасида энг ёмон кўрсаткичга эга бўлиб турибди.

Бразилиялик футболчи Чемпионлар лигаси 1/8 финали доирасидаги "Манчестер Сити"га қарши ўйинда (3:0) нуқтадан дарвозани ишғол эта олмади. Унинг зарбасини Джанлуиджи Доннарумма қайтарди.

Бу Винисиуснинг "қаймоқранглилар" либосидаги 14-пенальтиси ва 4-хатоси бўлди — аниқлик кўрсаткичи 71,4 фоиз. Сўнгги еттита уринишдан фақат учтаси гол билан якунланган.

2000/01 йилги мавсумдан бери "Реал"нинг етти нафар футболчиси камида ўнтадан пенальти тепган. Энг аниқ зарба берувчи Серхио Рамос бўлиб чиқди — 22 та гол ва битта хато (95,6 фоиз). Кейинги ўринда Криштиану Роналду бормоқда — 13 та хато ва 79 та гол (87,7 фоиз). Карим Бензема кучли учликни якунлаб беради — 5 та хато ва 32 та гол (86,4 фоиз).

Шунингдек, кучли еттиликдан Луиш Фигу (6 та хато / 31 та гол, 83,7 фоиз), Килиан Мбаппе (4 та хато / 19 та гол, 82,6 фоиз) ва Руд ван Нистелрой (4 та хато / 11 та гол, 73,3 фоиз) жой олган.