Марказий ҳимоячи Альваро Кортес яқин орада "Барселона"нинг асосий жамоасида дебют қилиши мумкин. Barca Universal нашрининг хабар беришича, "кўк-анорранглилар" бош мураббийи Ханс-Дитер Флик жароҳатлар билан боғлиқ инқироз фонида 20 ёшли футболчига имконият беришга тайёр.
Кортес – чап оёқда ҳаракат қилувчи марказий ҳимоячи ва "Барса" иккинчи жамоасининг сардори ҳисобланади. У жисмоний жиҳатдан бақувват ўйинчи сифатида таърифланади. Якшанба куни Каталония гранди Ла Лига доирасида ўз майдонида "Севилья"ни қабул қилади. Учрашув Тошкент вақти билан соат 20:15 да бошланади.
Эслатиб ўтамиз, яқинда Чемпионлар Лигаси доирасида "Ньюкасл"га қарши ўтказилган ўйинда "Барселона" сафида 18 ёшли ўнг қанот ҳимоячиси Хави Эспарт дебют қилган эди.
