"Бавария" ярим ҳимоячиси Леон Горецканинг янги жамоадаги молиявий сўровлари ҳақида маълумотлар пайдо бўлди. Эслатиб ўтамиз, жорий мавсум якунланганидан сўнг хавбек Германия грандини тарк этади.

Журналист Экрем Конурнинг хабар беришича, 31 ёшли Горецка ўзининг кейинги клубида ҳозирда "Бавария"да олаётган миқдорда, яъни 7 миллион евро маош олмоқчи. Шунингдек, футболчи меҳнат шартномасини имзолагани учун 10 миллион еврогача бонус талаб қилмоқда.

Қайд этилишича, Горецканинг хизматларига "Арсенал", "Челси", "Ливерпуль", "Манчестер Сити", "Манчестер Юнайтед", "Тоттенхэм", "Ньюкасл", "Марсель", "Атлетико", "Интер", "Наполи" ва "Ювентус" клублари қизиқиш билдирмоқда.

Ушбу мавсумда ярим ҳимоячи барча турнирларда 34 та ўйинда иштирок этди, иккита гол урди ва битта голли узатмани амалга оширди.