"Bavariya" yarim himoyachisi Leon Goreskaning yangi jamoadagi moliyaviy so‘rovlari haqida ma’lumotlar paydo bo‘ldi. Eslatib o‘tamiz, joriy mavsum yakunlanganidan so‘ng xavbek Germaniya grandini tark etadi.

Jurnalist Ekrem Konurning xabar berishicha, 31 yoshli Goreska o‘zining keyingi klubida hozirda "Bavariya"da olayotgan miqdorda, ya’ni 7 million yevro maosh olmoqchi. Shuningdek, futbolchi mehnat shartnomasini imzolagani uchun 10 million yevrogacha bonus talab qilmoqda.

Qayd etilishicha, Goreskaning xizmatlariga "Arsenal", "Chelsi", "Liverpul", "Manchester Siti", "Manchester Yunayted", "Tottenxem", "Nyukasl", "Marsel", "Atletiko", "Inter", "Napoli" va "Yuventus" klublari qiziqish bildirmoqda.

Ushbu mavsumda yarim himoyachi barcha turnirlarda 34 ta o‘yinda ishtirok etdi, ikkita gol urdi va bitta golli uzatmani amalga oshirdi.