"Страсбур" ярим ҳимоячиси Валентин Барко клубини ўзгартириши мумкин. Футболчига "Челси" жамоаси даъвогарлик қилмоқда.
Франция чемпионатининг жорий мавсумида ўзини кўрсатаётган ёш аргентиналик футболчи Англия пойтахтига кўчиб ўтишга яқин турибди. Бу ҳақда fichajes.net нашри хабар бермоқда.
Маълум қилинишича, "Челси" бош мураббийи Росеньор Лондон клубининг ярим ҳимоя марказидаги ротацияни кучайтиришни истайди. У Барко билан "Страсбур"даги биргаликдаги фаолияти орқали яхши таниш.
Жорий мавсумда аргентиналик футболчи Франция чемпионатида 22 та ўйинда майдонга тушиб, 1 та гол урди ва 4 та голли узатмани амалга оширди. Transfermarkt портали хавбекни 25 млн еврога баҳоламоқда.
