«Манчестер Сити»нинг ҳужумкор ярим ҳимоячиси Райан Шерки ўзининг ўйин услуби, шунингдек, кумирлари ҳақида гапириб берди.
«Футбол менинг ишимга айланди. Лекин мен футболни севишимга сабаб бўлган услубда ўйнашга ҳаракат қиламан. Бу Эден Азар, Неймар, Роналдиньо, Криштиану Роналду ва Мессининг футболидир», — дея хавбекнинг сўзларидан иқтибос келтиради L’Équipe.
Шерки 2025 йилнинг ёзидан бери Англияда тўп сурмоқда — 22 ёшли футболчи Франциянинг «Лион» клубидан «Манчестер Сити»га ўтган эди. Жорий мавсумда ярим ҳимоячи барча турнирларда 38 та ўйинда иштирок этиб, тўққизта гол ва ўнта голли узатмани амалга оширди.
Франциялик футболчининг «шаҳарликлар» билан шартномаси 2030 йилгача мўлжалланган.
