«Барселона» ярим ҳимоячиси Гави охирги марта 23 август куни майдонга тушган эди. Кўп ўтмай, тиззасидаги муаммо туфайли Гави жарроҳлик амалиётини ўтказди. Хавбек узоқ вақт давомида тикланиш жараёнини ўтади ва мана энди Каталония клуби Гави ўйнашга тайёр эканлигини эълон қилди. Жамоа бош мураббийи Ханс-Дитер Флик матбуот анжуманида вазиятга изоҳ берди.

«У ўйинга тайёр бўладими ёки йўқми, билмайман. А, биз бу ҳақда аллақачон эълон қилиб бўлдикми? (кулади). У тиббий рухсатномани олди ва мен бундан жуда хурсандман. Умид қиламанки, у майдонда бир неча дақиқа ўтказа олади. Машғулотларда унинг ижросида кўрганларим менга маъқул келди, лекин, албатта, унинг қайтишини тўғри бошқаришимиз керак. Гави билан қадамма-қадам ҳаракат қилиш лозим. У қийин даврни бошдан кечирди, бироқ унинг олдида ҳали кўп йиллик футбол бор. Унинг яна биз билан эканлигидан хурсандман. Бу у учун муҳим ўйин бўлади», — деди Флик.

«Барселона» 15 март куни «Севилья»ни қабул қилади.