Мадриднинг «Реал» клуби ярим ҳимоячиси Арда Гюлер Ла Лига доирасида «Эльче»га қарши кечган баҳсда (4:1) ақл бовар қилмас гол муаллифига айланди.
21 ёшли футболчи учрашувнинг 89-дақиқасида майдоннинг ўз жамоасига тегишли қисмидан туриб зарба йўллаган ҳолда рақиб дарвозасини ишғол қилди.
«Мавсумнинг энг чиройли голи? Раҳмат, гол ҳақиқатан ҳам ажойиб чиқди, мен жуда хурсандман. Дарвозабон ноқулай позицияда турганини кўрдим, шу боис шунчаки зарба бериб кўришга қарор қилдим ва бу голга айланди», — дея Гюлернинг ўйиндан кейинги интервьюсидан иқтибос келтиради Испания ОАВлари.
