Франциялик дарвозабон Майк Меньян 2021 йилда «Милан»га қандай ўтганини ва ўшанда Златан Ибраҳимовичдан аниқ кўрсатма олганини эслади. Ўшанда машҳур собиқ ҳужумчи унга: «Милан — бу оила», — деган эди.
«2021 йилда Ибраҳимович билан бўлган илк учрашувимизни эслайман. У менга: «Биз шу ердамиз, бу — оила», — деди ва мен бу шунчаки айтилган баландпарвоз гаплар эмаслигини дарҳол тушундим. Мен «Милан»да айнан шу туйғу билан ишлайман. Бу ҳақиқат», — дея Меньяннинг сўзларидан иқтибос келтиради pianetamilan.it.
Эслатиб ўтамиз, Майк Меньян аввалроқ Франция чемпионатида «Лилль» шарафини ҳимоя қилган.
