Якшанба, 15 март куни «Барселона» президенти лавозими учун овоз бериш жараёнига старт берилди.
Асосий кураш икки бош номзод — амалдаги президент Жоан Лапорта ва унинг асосий рақиби Виктор Фонт ўртасида кечиши кутилмоқда. Ҳар икки даъвогар жамоа ривожи ва клубнинг иқтисодий модели борасида турли хил йўналишларни таклиф этмоқда.
«Барселона» клубининг яккаю ягона эгаси йўқ — клуб унинг аъзолари («сосьос») томонидан бошқарилади. Айнан улар 2031 йилгача клуб президенти лавозимини эгаллайдиган шахсни танлаб беришади. Овозларни қабул қилиш Марказий Европа вақти билан соат 21:00 гача (Тошкент вақти билан 16 мартга ўтар кечаси соат 01:00 гача) давом этади.
